Italia-Serbia partidako istiluak ikertuko ditu UEFAk

NAZIOARTEA. Europako Futbol Federazioak (UEFA) ikerketa bat hasi du, herenegun Italiak eta Serbiak Genovan jokatu zuten neurketan izandako istilu larriengatik. Serbiako zenbait muturreko zalek istilu larriak eragin zituzten partida hasi aurretik eta behin partida hasita, eta, azkenean, epaileak bertan behera utzi zuen neurketa, seigarren minutuan. Poliziak hamazazpi zale atxilotu zituen.