Itxakok 23-33 irabazi dio Castrori, eta ABF ligako buruan jarraitzen du

Itxakok ABF Ligako buruan jarraitzen du, Saguntekin batera. Valentziako taldeak Kukullagari irabazi zion herenegun, eta nafarrek garaipena behar zuten atzo, Castro Urdialesen (23-33), lehen postuan jarraitzeko. Hala behar, eta hala egin. Bi zati ezberdineko partida izan zen eta lehen ordu erdi orekatuaren ondoren (12-15), bigarrenean Itxakoren nagusitasuna agerian gelditu zen. Lizarrako taldeak ligan jokaturiko sei partidak irabazi ditu.

Etzi Txapeldunen Ligako partida duelako jokatu zuen atzo Itxakok, eta Ambros Martinek atsedena eman ahal izan zien minutu gehien jokatzen duten jokalariei. Larunbatean Txapeldunen Ligako lehen faseko partidarik gogorrena beharko lukeena izango Itxakok, Oltchim Valcearen etxean. Oltchim izan da sasoi honetan Itxako garaitu duen aurkari bakarra. Bera Berak, aldiz, ABF ligako partida gogorra izango du larunbatean, Elx-enpistan (19:30).