Itxakok oso partida zaila du gaur Elxen pistan

ESKUBALOIA. Itxakok gaur jokatuko du ABF ligako 9. jardunaldiko partida, Elxen pistan (20:00). Etxekoak Europan ari dira, eta horregatik aurreratu dute norgehiagoka. Lizarrako taldeak oso zail izango du sasoiko bigarren garaipena lortzea, Elx bigarren sailkatua baita. Itxako, aldiz, azken-aurreko postuan dago. Bera Berak bihar jokatuko du, eta Kukullagak eta Zuazok, etzi.