2011ko uztailaren 10a
00:00
IRABAZLEA
•Jaioteguna. 1986ko urriaren 5a.
•Jaioterria. Povoa de Varzim (Portugal).
•Debuta. 2007an, Benficarekin.
•Ibilbidea. Benfica (2007-2008), Caisse d'Epargne (2009-2010) eta Movistar (2011tik).
•Lorpen garrantzitsuenak. 2007an Eskualdeetako Giroa; 2008an Eskualdeetako Giroko etapa bat; 2009an Dunquerkeko Lau Egunak eta Chihuahuako Itzuliko etapa bat; 2010ean Mallorcako Itzuliko etapa bat, Suitzako Itzuliko beste bat eta Portugalgo erlojupeko Txapelketa; 2011n Tourreko etapa bat.
EGUNEKO HUTSUNEA
Horner ez da abiatu zortzigarren etapan
Kolpe bikoitza hartu du jada RadioShack taldeak aurtengo Tourrean. Janez Brajkovic erretiratu zen lehenengo, eta Chris Horner gero. Estatubatuarrak buruan kolpe handia hartu zuen herenegun, eta helmugara iritsi zen arren, atzo ez irtetea erabaki zuten taldeko arduradunek. Levi Leipheimer ere denbora asko galduta dago, eta Andreas Kloedenen alde lan egingo duela aitortu zuen atzo.
EGUNEKO EZINA
Beñat Intxausti erretiratu egin da
Eskuin ukondoko erradioa apurtuta edukita ere, saiatzea erabaki zuen atzo Beñat Intxaustik (Movistar). Baina, ezinean, etsi egin zuen azkenean, helmugara iristeko hamabost bat kilometro falta zirenean.
EGUNEKO INDARTSUA
Thor Hushovd
Orain gutxi arte esprinter petoa zen Thor Hushovd norvegiarra (Garmin-Cervelo), baina atzo onenen artean helmugaratu zen Super Bessen. Liderraren maillotarekin jarraituko du.
