Anoetako harmailetan poza nagusitu zen atzo arratsaldean. Poza nabarmena zen hasieratik, 3 urtez Bigarren A Mailan jokatu ostean Espainiako Futbol Ligako lehen mailara itzuli baitzen atzo Reala. Dudarik gabe, zaleentzako ospatzeko moduko gertaera zen.
Eta ezin izan zuten hobeto ospatu, aurreneko partida horretan Realak mendean hartu baitzuen Vila-Real aurkaria, txapelketako talderik sendoenetakoa. 1-0 irabazi zuten txuri-urdinek, Joseba Llorenteren jokaldi polit bat amaitzeko Xabi Prietok sartutako golarekin. Gainera, irabazteaz gain, dotore jokatu zuen Realak, talde sendoaren itxura emanez.
Aldiz, Osasunak motelago hasi du Liga: 0-0 berdindu zuen etxean Almeriaren aurka. Aurrendenboraldian nabarmen geratu da gorritxoek gola sartzeko eta partidei behar bezala erantzuteko arazoak dituztela, eta atzo ere irudipen horrekin geratu ziren Osasunaren jarraitzaile gehienak. Nolanahi ere, txapelketa hasi besterik ez da egin.
Athleticek, berriz, larunbatean jokatu zuen partida eta 0-1 irabazi zuen Herculesen aurka. Beraz, oro har, euskal taldeek ondo hasi dute aurtengo Liga.
Futbola
Itzulera handia egin du Realak
1-0 hartu du mendean Vila-real, eta, horrenbestez, garaipenarekin abiatu du Espainiako Futbol Ligako txapelketa, 3 urtez Bigarren A Mailan aritu ondoren. Apalago ekin dio Osasunak: berdinketa baino ez zuen lortu etxean Almeriaren aurka.
Iruzkinak
Ez dago iruzkinik
Ordenatu
