Javi Martinez: «Guri ere txistu egiten digute»

ATHLETIC. Lau egun joan dira jada, baina Athleticeko jokalariek Bartzelonaren aurkako partidan gertatutakoaz hitz egiten jarraitzen dute. Atzo Javi Martinezek esan zuen Amorebietak ordaindu egin zuela Ujfalusik Messiri egindako sarrerak izandako oihartzuna. Erdilariak ez zien garrantzirik eman zaleek Iniestari eginiko txistuei. «Guri ere txistu egiten digute toki askotan, eta ez da ezer gertatzen».