Javi Martinez: «Irabaztera irtengo gara Mallorcan»

ATHLETIC. Ordu eta erdiko lan saioa egin zuen atzo Athleticek Madrilen, bihar Mallorcan jokatuko duen partida prestatzeko. Herenegun Bernabeun aritu zirenek lan saio arina egin zuten, eta, ondoren, Javi Martinezek eta Gorka Iraizozek hitz egin zuten prentsa aretoan. «San Mamesen lortutako 2-0ekoa ahaztu eta irabaztera aterako gara. Joaquin Caparros ongi ezagutzen dugu, eta arriskutsua da halako kanporaketetan», adierazi zuen Aiegikoak. Iraizozen ustez, «taldea errekuperatu» da Bernabeuko astindutik eta «gogotsu» dago biharko.