Javi Martinez: «Iribar negarrez ikusita jabetu nintzen lortutakoaz»

Athleticeko kideek Sporting Lisboaren aurkako partidan bizitakoak kontatzen jarraitu zuten atzo. Javi Martinezek, adibidez, aldagelan ikusi zuena deskribatu zuen. «Iribar aldagelan negarrez ikusi nuenean jabetu nintzen lortutakoaz». Fernando Llorentek ere aitortu zuen egindakoa bereganatu ezinik dagoela. «Hodei batean nago», esan zuen aurrelariak. Atletico Madrilen aurkako finalaz, berriz, Ander Herrerak azpimarratu zuen «oso partida gogorra» izango dela. Azkenik, Josu Urrutiak argi utzi zuen «bi tituluak irabazteko»borrokatuko direla.