Joaquim Rodriguezek irabazi du 12. etapa

Alberto Contador Astanako txirrindulariak 10 segundu kendu dizkio Andy Schleck Saxo Bankeko eta Tourreko liderrari, Joaquim Rodriguez Katushako txirrindulariak irabazi duen etapan. Sailkapen nagusian 31 segundura dago orain Contador Schleckengandik eta Pirinioetako mendiak iritsi baino lehen, mendian gehiago dela erakutsi du.

Alexandre Vinokurov izan da etapan hirugarrena, ihesaldi luze baten ondoren, azken kilometroan harrapatu eta pasatu egin baitute. Samuel Sanchez Euskaltel-Euskadiko txirrindularia liderrarekin batera helmugaratu da eta Contadorrekiko 10 segundu galdu ditu.

Bihar, 13. etapa: Rodez-Revel, 196 kilometrokoa. Laugarren mailako hiru mendate eta hirugarren mailako bi mendi igo beharko dituzte.

Orain arteko etapak

- Aitzin-etapa: Rotterdam-Rotterdam. Irabazlea: Fabian Cancellara. Liderra: Fabian Cancellara.

- 1. etapa: Rotterdam-Brusela. Irabazlea: Alessandro Petacchi. Liderra: Fabian Cancellara.

- 2. etapa: Brusela-Spa. Irabazlea: Sylvain Chavanel. Liderra: Sylvain Chavanel.

- 3. etapa: Wanze-Porte du Hainaut. Irabazlea: Thor Hushovd. Liderra: Fabian Cancellara.

- 4. etapa: Cambrai-Reims. Irabazlea: Alessandro Petacchi. Liderra: Fabian Cancellara.

- 5. etapa: Epernay-Montargis. Irabazlea: Mark Cavendish. Liderra: Fabian Cancellara.

- 6. etapa: Montargis-Gueugnon. Irabazlea: Mark Cavendish. Liderra: Fabian Cancellara.

- 7. etapa: Tournus-Rousses. Irabazlea: Sylvaine Chavanel. Liderra: Sylvaine Chavanel.

- 8. etapa: Rousses-Morzine Avoriaz. Irabazlea: Andy Schleck. Liderra: Cadel Evans.

- 9. etapa: Morzine Avoriaz-S. Jean de Maurienne. Irabazlea: Sandy Casar. Liderra: Andy Schleck.

- 10. etapa: Chambery-Gap. Irabazlea: Sergio Paulinho. Liderra: Andy Schleck.

- 11. etapa: Sisteron-Bourg les Valence. Irabazlea: Mark Cavendish. Liderra: Andy Schleck.

- 12. etapa: Bourg de Peage-Mende. Irabazlea: Joaquim Rodriguez. Liderra: Andy Schleck.