Harmailetatik adreilu bat bota dute, eta buruan zauri sakona eragin dio Nietori. 33 urte zituen. Erietxera eraman dute kolpearen ondorioz, baina bertan hil da.
Chacarita 3-1 irabazten ari zitzaion Tiro Federali, eta partida amaitzeko hamabost minuturen faltan piztu dira liskarrak. Jokalarien arteko borrokaldi baten ondorioz, epaileak zortzi futbolari kaleratu ditu, eta zaleen artera zabaldu dira istiluak.
Iragan asteburuan, zale bat hil du Atletico Madrileko Frente Atletico muturreko taldeak, eta eztabaida sortu da azken egunetan futbolaren inguruko indarkeriaren inguruan. Gaia sakon jorratuko du BERRIAk igandeko alean.
