Jon Aberasturi bueltan da World Tour mailara, Trek-Segafredo taldearen eskutik. Esprinter gasteiztarrak bi urterako kontratua sinatu du, 2023ra arte. Espainiako Vuelta ari da lehiatzen Caja Rural taldearekin egunotan.
Aberasturiren goi mailako azken taldea Euskaltel Euskadi izan zen, 2013an. Ordutik, Ukyo, Euskadi Murias eta Caja Rural taldeetan aritu da. Aurtengo denboraldian garaipen bakarra eskuratu du, Esloveniako itzulian.
Aberasturik pozez adierazi du «World Tourrera itzultzeko gogo handia» zuela, Pro Tour mailan urte batzuk eman ondoren. Haren gertukoek esan diotenez, Trek «talde ona» da. AEBtako taldearentzat, berriz, «profil egokia» da gasteiztarrarena. Horregatik, «taldekideen esprintak gidatuko» ditu garaipenak lortzen laguntzeko. «Baina nire aukerak ere izango ditut» irabazteko, esan du.
Luca Guercilena taldeko managerraren hitzetan, Aberasturi «eskarmentu handiko txirrindularia da, eta World Tourrera bueltatzea merezi izan du». «Azkarra, esperientzia duena eta akaberak kudeatzen trebea» den txirrindularitzat hartzen du. «Bere ezaugarriak zituen txirrindulari azkar bat falta zitzaigun», gehitu du.
ð;Â;ŸÂš¨ TEAM NEWS!
— Trek-Segafredo (@TrekSegafredo) August 27, 2021
We’re adding some more firepower to our sprints with @jonaberasturi ð;Â;ŸÂ”¥
ð;Â;ŸÂ“° Read more:https://t.co/zyyAQIf3Wf
