Jon Izagirrek (Euskaltel-Euskadi) irabazi du Italiako Giroko 16. etapa, ihes eginda. 61. kilometrotik egon da alde eginda, beste bederatzi lagunekin; azken mendatean ihes egin du, erasoa jota, eta hamasei eta 48 segundo bitartean geroago heldu dira iheskideak. Alessandro de Marchi sartu da bigarren.
Tropel nagusia 8.57ra iritsi da. Joaquim Rodriguezek segitzen du lider. (sailkapenak)
Profesionaletan bigarren urtea du Izagirrek (Ormaiztegi, 1989). Aurten Asturiasko Itzuliko erlojupekoa irabazi du. Euskaltel-Euskadiren seigarren garaipena izan da gaurkoa. Taldeak iazko Giroan bi etapa eraman zituen.
Bihar korrituko dute 17. etapa: Falzes-Cortina d'Ampezzo (186 kilometro). Lehen mailako bi mendate eta bigarren mailako beste bi izango dituzte. Etapa ez da gainean amaituko.
Igandean bukatuko da Giroa, Milanen, 30 kilometroko erlojupekoarekin.
Orain arteko etapak
- 1. etapa: Herning-Herning. Irabazlea: Taylor Phinney. Liderra: Taylor Phinney.
- 2. etapa: Herning-Herning. Irabazlea: Mark Cavendish. Liderra: Taylor Phinney.
- 3. etapa: Horsens-Horsens. Irabazlea: Matthew Goss. Liderra: Taylor Phinney.
- 4. etapa: Verona-Verona. Irabazlea: Garmin taldea. Liderra: Ramunas Navardauskas.
- 5. etapa: Modena-Fano. Irabazlea: Mark Cavendish. Liderra: Ramunas Navardauskas.
- 6. etapa: Urbino-Porto Sant'Elpidio. Irabazlea: Miguel Angel Rubiano. Liderra: Adriano Malori.
- 7. etapa: Recanati-Rocca di Cambio. Irabazlea: Paolo Tiralongo. Liderra: Ryder Hesjedal.
- 8. etapa: Sulmona-Laceno. Irabazlea: Domenico Pozzovivo. Liderra: Ryder Hesjedal.
- 9. etapa: San Giorgio Nel Sannio-Frosinone. Irabazlea: Francisco Ventoso. Liderra: R. Hesjedal.
- 10. etapa: Civitavecchia-Assisi. Irabazlea: Joaquim Rodriguez. Liderra: Joaquim Rodriguez.
- 11. etapa: Assisi-Montecatini Terme. Irabazlea: Roberto Ferrari. Liderra: Joaquim Rodriguez.
- 12. etapa: Seravezza-Sestri Levante. Irabazlea: Lars Ytting Bak. Liderra: Joaquim Rodriguez.
- 13. etapa: Savona-Cervere. Irabazlea: Mark Cavendish. Liderra: Joaquim Rodriguez.
- 14. etapa: Cherasco-Cervinia. Irabazlea: Andrey Amador. Liderra: Ryder Hesjedal.
- 15. etapa: Burso Arsizio-Lecco. Irabazlea: Mateo Rabottini. Liderra: Joaquim Rodriguez.
- 16. etapa: Limone sul Garda-Falzes. Irabazlea: Jon Izagirre. Liderra: Joaquim Rodriguez.
