Josetxok dio galdu arren «gero eta hobeto» ari direla

OSASUNA.Josetxo Romero Osasunako erdiko atzelariaren arabera, «gero eta hobeto» ari dira, Espanyolen aurka galdu arren. «Ondo aritu ginen, baina jokalari bat gutxiagorekin dena zaildu zitzaigun. Hala ere, Realaren aurkako partidan hasitako bideari eusten diogu. Bide onean gaude, baina hutsak saihestu behar ditugu, puntuak ez galtzeko».