Juan Jose Aranburu munduko txapeldun

TIROA. Juan Jose Aranburu irundarrak urrezko domina irabazi zuen atzo Serbian, Munduko Tiro Txapelketako skeet mailan. Aranburuk munduko marka berdindu zuen lehen kanporaketan, 25 platerak hautsita. Garaipen horrekin, ziurtatu egin du 2012ko Londresko Olinpiar Jokoetan parte hartzea. Bigarren Olinpiar Jokoak ditu, orain hiru urte ere aritu baitzen Pekinen.