Julen Aginagalde (Irun, 1982) munduko jokalari onenen artean hirugarren hautatu dute, Nazioarteko Eskubaloi Federazioak jakinarazi duenez. Botoen %18 jaso ditu. Jarraitzaileek, hedabideek eta federazioko kide batzuek osatu dute epaimahaia.
Daniel Narcisse frantziarra hautatu dute onentzat, botoen %25 pilatuta. Bigarren Mikkel Hansen danimarkarra geratu da (%21). Filip Jicha txekiarrak eta Kim Andersson suediarrak Aginagaldek adinako babesa jaso dute.
Irungo Bidasoko harrobiko jokalaria da Aginagalde; han aritu zen 1999-2006 artean. Ondoren, Ademar Leonen (2006-2009); gero, Ciudad Realen (2009-2011), eta, harrezkero, Atletico Madrilen da. Pibote postuan jokatzen du.
Emakumeetan Alexandra do Nascimiento brasildarrari eman diote onenaren saria —%28ko babesa jaso du—.
