Juventusek Cristiano Ronaldo fitxatu du

33 urteko aurrelariak Real Madrilen jokatu du azken bederatzi denboraldietan, eta klubeko marka guztiak apurtu ditu. Izan ere, 438 partidatan 451 gol sartu ditu. Hamasei titulu irabazi ditu guztira, tartean Txapeldunen lau Liga. Cristiano Ronaldok denbora zeraman Florentino Fernandez Real Madrileko presidentearekin tirabiraka, bere soldataren harira. Jokalariak 20 milioi euro pasatxo irabazten zuen garbi denboraldiko, baina gehiago nahi zuen, 30 milioi euro pasatxo gutxienez. Itxura batean, Juventusek kopuru hori ordainduko dio, eta, horretarako, Fiat auto enpresaren laguntza izango du. Italiako taldeak aurki aurkeztuko du Cristiano Ronaldo. "Nire bizitzako bederatzi urterik ederrenak izan dira, baina aldaketa bat behar nuen, beste etapa bat hasi", esan du jokalariak.