KAE 1 ligara igotzeko lehen estropada, gaur

ARRAUNA. Arkote, Getaria eta Ondarroa lehian izango dira gaur Pasaian (17:00), KAE 1 ligara igotzeko kanporaketaren lehen estropadan. Erlojuaren aurka ariko dira, eta Getxok ere parte hartuko du, KAEko epailearen aurrean behin-behinean parte hartzeko eskaria egin eta gero. Santoñan jokatu zen azken estropadako emaitzak bertan behera uzteko eskatu du Getxok, kaleak luzera ezberdinekoak zirela argudiatuta.