Kanstantsin Siutsou bielorrusiarra garaile 23 urte azpikoetan

Kanstantsin Siutsou bielorrusiarrak irabazi du 23 urte azpikoen errepideko Munduko Txapelketa. Helmugarako 4 bira falta zirela ihes egin zuen bielorrusiarrak eta kilometro askotan Domenico Pozzovivo italiarra izan zuen iheslagun. Azken biran, Torricelle mendatea igotzen ari zirela egin du ihes Siutsouk. Helmugan bakarrik sartu da Siutsou, eta Pozzovivo azken metroetan harrapatu ostean, sprintean Thomas Dekker izan da bigarren, Mads Christensen daniarraren aurretik. Lasterketa honetan Jorge Azanza nafarra eta Igor Anton bizkaitarra ere aritu dira.