Amaitu da Pekinen Munduko Atletismo Txapelketa, eta Kenya nagusitu da domina zerrendan. Urrezko zazpi domina, zilarrezko sei eta brontzezko hiru eskuratu dituzte hango atletek. Jamaika izan da bigarrena, hark ere urrezko zazpi domina eskuratuta; zilerrezko bi eta brontzezko hiru lortuta, hamabi pilatu dituzte atleta jamaikarrek.
Azken egunean, Etiopiako atletak izan ziren protagonista. Izan ere, Mare Didabak irabazi zuen maratoia, 2:27:35eko denbora eginda, eta 5.000 metroko proban hiru dominak izan ziren etiopiarrentzat: Almaz Ayanarentzat urrezkoa, Senbere Teferirentzat zilarrezkoa eta Genzebe Didabarentzat brontzezkoa.
4x400 probako finalak ere egin zituzten igandean. Emakumezkoetan, Jamaika Ameriketako Estatu Batuei nagusitu zitzaien ozta-ozta —31 segundo ehuneneko aldearekin—, eta gizonezkoetan, berriz, AEB gailendu zen.
