«Ba al duzu bide gogokoenik?», galdetu du Kilian Jornet atleta kataluniarrak Twitterren, eta erabiltzaileak ikaratu eta txunditu dituen ia minutu bateko bideo bat partekatu du: ibiltzea ezinezkoa dirudien harrizko bidexka estu batetik ari da korrika, amildegiaren ertzean. Aholku bat ere partekatu du bere jarraitzaileekin: «Oso logikoa dela dirudi, baina ez da inoiz txarra gogoratzea: aire zabalean korrika egiteko aholku nagusia ez erortzea da. Eta zure gaitasun teknikoez ziur ez bazaude, ez joan». Zenbait erabiltzailek galdetu dute ea non dabilen korrika, baina Jornetek ez du zehaztu.
Do you have a favorite trail?@GoPropic.twitter.com/YAReef7QuW
— kilian jornet (@kilianj) August 19, 2021
Txiolari batzuek «miresten» dutela esan diote korrikalariari, eta askok euren bide gogokoenak partekatu dituzte. Hala ere, badaude horrelako arriskua hartzea beharrezkoa ikusten ez dutenak. Erabiltzaile batek, esaterako, zera erantzun dio: «Zure bizia arriskuan jartzea ez da heroismoa edo balentria aipagarria. Eta are gutxiago beste batzuek euren bizia jokatu behar badute. Uste dut isuna jarri beharko lizuketela horrelako erokeriak egiteagatik».
Posar en risc la teva vida no és cap heroicitat ni cap fet destacable.
— Xavier (@xfn3) August 19, 2021
Encara menys si d’altres s’haurien de jugar la seva per venir a recatar-te el dia menys pensat.
De fet, trobo que t’haurien de multar per fer aquesta mena de bogeries.
No es cap bon exemple noi.
Mendiko kirolaria munduko onenetakoa da ultratraileko lasterketetan; bederatzi aldiz irabazi du Zegama-Aizkorri mendi maratoia, eta, abuztu hasieran, bederatzigarrenez irabazi zuen Sierre-Zinal lasterketa. Datozen asteetan Suedian eta Eskozian lehiatuko da Jornet.
