Malkoak begietan zituela igaro du Marcel Kittel alemaniarrak Frantziako Tourreko bigarren etapako helmuga. Ez da gutxiagorako, izan ere, Quick-Step Floors taldeko txirrindulariak esprintean hartu die aurrea bigarren sartu den Arnaud Demarre frantziarrari eta hirugarren tokian geratu den Andre Greipel alemaniarrari. Bestalde, sailkapen nagusian lidergoari eutsi dio Geraint Thomas britainiarrak
Bestalde, gaur ere izan da erorikorik, nahiz eta lehen etapan Ion Izagirrek eta Alejandro Valverdek izandakoak bezain larria ez den izan. Bigarren etapan Chris Froome izan da ezbeharra izan duena. Helmugarako hogei bat metro geratzen zitzaizkionean erori da azken bi tourretako irabazlea, baina urratu batzuk besterik ez ditu izan, eta berehala jarri da berriz ere gurpil gainean.
