Hasterako bukatu dira Kiyoshi Uematsuren lanak. Portugaleteko judokak lehen saioan galdu du Mansur Isaev errusiarraren aurka. Oso borroka estua izan arren, ezin izan du laugarren zerrendaburua eta urrea irabazteko faboritoa dena garaitu.
72 kiloz azpiko mailan aritu da Uematsu. Urrezko borrokaldian Yuko baten aldearekin galdu du. "Jokoetara iristeko lan handia egin behar da eta alde horretatik nahiko triste nago, irabaztera etorri garelako", azaldu du Uematsuk. Hala ere egindako planteamenduarekin gustora sentitu da bizkaitarra. "Berriro jokatuko banu, berdintsu egingo nuke. Ez dut uste akatsik egin dudanik. Bagenekien lehia parekatua eta zaila izango zela, eta bietako edozeinek irabazi zezakeela".
