Koikili: «Ez dut ikusten neure burua beste talde batean»

ATHLETIC. Denboraldiaren amaieran bukatuko zaio kontratua Koikili Lertxundiri, eta oraindik ez du akordiorik lortu hura luzatzeko. Koikili, hala ere, itxaropentsu dago. «Ez dut ikusten neure burua beste talde batean, beste elastiko bat janzten. Nire ordezkariak ari dira negoziatzen, eta ni aparte nago. Nik argi utzi dut hemen jarraitu nahi dudala. Ea azkar lortzen dugun akordioa».