Irailaren 4an eta 11n jokatuko dira Kontxako bandera preziatua lortzeko estropadak. Lehian sartzeko eskubidea biharko sailkapen estropadan lortu beharko dute arraunlariek. Gizonezkoetan, 25 traineru arituko dira erlojuaren aurka, eta haietatik zazpik lortuko dute datozen asteburuetan lehiatzea —Donostiarra taldea aurretik dago sailkatuta—. San Miguel ligan buruan diren taldeak dira biharko faboritoak: Urdaibai, Hondarribia, Kaiku eta San Juan.
Emakumezkoetan, hamar talde ahaleginduko dira sailkatzen, eta lauk lortuko dute helburua. San Juan da biharko faborito argia, baita bandera irabazteko hautagai nagusia ere.
