Athleticen eta Bartzelonaren arteko Espainiako Kopako finala Vicente Calderon Madrilgo estadioan jokatuko da, maiatzaren 25ean (ostirala), Espainiako Futbol Federazioak gaur erabaki duenez. Atletico Madrilen estadioa da.
Federazioko zuzendaritzako kideen 22 boto jaso ditu Calderonek, hamalau Sevillako Cartujak. Bartzelona Calderongo aukeraren alde zegoen, Athletic Sevillakoaren alde.
51.000 lagunentzako tokia du Calderonek, eta baliteke klub bakoitzak hogeina mila sarrera izatea partidarako. Finala baino bost egun lehenago Coldplay taldearen kontzertua izango da han.
Athleticek eta Bartzelonan 2009ko Kopako finala Valentzian jokatu zuten, Mestallan.
