Athleticek datorren asteazkenean jokatuko du Mallorcaren aurkako Espainiako Kopako final-laurdenetako joaneko partida, etxean, 20:00etatik aurrera. Itzulikoa, hilaren 25ean, asteazkenarekin eta ordu berean. Atzo lortu zuen txartela Athleticek, Albaceteri 4-0 irabazita.
Kopako beste kanporaketak: Espanyol-Mirandes —joanekoa asteartean, 21:00etan—, Real Madril-Bartzelona —asteazkenean, 22:00etan— eta Valentzia-Levante —ostegunean, 21:30ean—.
Athletic finalerdietara sailkatuko balitz, Espanyol-Mirandesko garailea luke aurkari. Otsailaren 1ean eta 8an izango dira finalerdiak. Finala, maiatzaren 25ean.
Osasuna atzo geratu zen txapelketatik kanpo —Bartzelonaren kontra—, eta Reala asteartean —Mallorcaren aurka—.
