Kramnik jarri da buruan, Bilboko Grand Slamean

XAKEA. Vladimir Kramnik errusiarrak, munduko txapeldun ohiak, irabazi egin zion atzo Magnus Carlsen norvegiarrari, munduko lehenari, eta Kramnik bera jarri da buruan Maisu Handien Grand Slamean, Bilbon. Beste partidan Alexei Xirov espainiarrak eta Viswanathan Anand indiarrak berdindu egin zuten 33 mugimenduren ondoren. Ikusmin handia sortu zuen atzo lehiaketaren hasierak.