Kubicak hobera egin du, eta «egonkor» dago

1 FORMULA. Robert Kubicak hobera egin duela jakinarazi zuten atzo Corona de Pietra Ligure ospitaleko medikuek. Poloniarrak istripu larria izan zuen igandean Italia iparraldean rally batean parte hartzen ari zela, eta zazpi orduko ebakuntza egin zioten. Pilotuak eskuarekin mugimendu txiki batzuk egin ditzake jada, baina bizpahiru egun igaroko ditu zainketa intentsiboetako unitatean.