Mikel Labakak Realeko jokalari gisa agurtzeko prentsaurrekoa eman du, aretoa jendez beteta zegoela. Ezer baino lehen, eskerrak eman dizkio Realari, "taldean egindako ibilbideagatik eta bertan ezagututako jende guztiarengatik".
Hamabost urtez Donostiako futbol taldean aritu ostean, Madrilera doa, hastear den denboraldian Rayo Vallecanon jokatzeko. Labakak aitortu du tristura handia ematen diola Realean egindako ibilbidea amaitzea, baina aldi berean bizitzan "beste etapa bat" hasteko ilusioz dagoela baieztatu du.
Bere bizitza Reala gabe ulertzea "ezinezkoa" egiten zaiola aitortu du. "Bizitza erdia daramat Realari lotuta eta asko kosta zait erabakia hartzea; baina, nire ustez, erabakirik onena da niretzat, baita taldearentzat ere", esan du Labakak. Jokalariak azaldu du lehen mailako talde batean partidak jokatzen jarraitu ahal izateko aldatu dela taldez,
