Lagun Aro GBC taldeak datorren denboraldian ez du Eurocup txapelketa jokatuko —sailkatuta zegoen–, klubak uko egin diolako, horretarako nahikoa diru ez duela eta. Alvaro Bilbao presidenteak esan du Gipuzkoako Foru Aldundiaren diru laguntza jaitsi egingo delako hartu behar izan dutela erabakia.
Alvarok adierazi duenez, denboraldi honetan diputazioaren laguntza 1,2 milioi eurokoa izan da eta hurrengoan 500.000koa izango da. 2013-2014an, berriz, ez dio Lagun Arori laguntzarik batere emango. Aldundiaren arrazoia izan da kirol amauterraren alde egingo duela, Lagun Arok dioenez.
Alvarok esan du "berandu" izan dutela erabakiaren berri, eta klubak dagoeneko ez duela Europan jokatu ahal izateko alternatibak bilatzeko tarterik.
Miguel Santos ohorezko presidenteak salatu du "lotsagarria" dela diputazioaren erabakia. "Ezingo dute gurekin".
