Los Angeles Lakers da NBAko denboraldi honetako finalera iritsi den lehen taldea, Mendebaldeko finalean San Antonio Spursi 4-1 irabazita. Bart lortu du laugarren garaipena: 100-92. Lakersek lau urte zeramatzan final handia jokatu gabe.
Kobe Bryant Lakerseko hegala izan da partidako jokalaririk onena: 39 puntu. Pau Gasol pibota izan da Lakersen nabarmendu den beste bat: 12 puntu, 19 errebote.
San Antonioko onenak: Tony Parker basea (23 puntu) eta Tim Duncan pibota (19 puntu, 15 errebote, 10 asistentzia).
Ekialdeko finala Boston Celtics eta Detroit Pistons ari dira jokatzen. 3-2 doa aurretik Boston.
Saskibaloia
Lakers, NBAko finalera
4-1 irabazi dio San Antoniori. Boston edo Detroit izango du kontrario finalean.
Iruzkinak
Ez dago iruzkinik
Ordenatu
