Lakers suspertu egin da, azken bi partidak irabazita

SASKIBALOIA. Los Angeles Lakersek bolada onari heldu dio berriz ere NBAn. Azken zazpi partidetatik hiru neurketa baino ez ditu irabazi, baina azken biak, jarraian irabazi ditu. Atzo bertan Charlotte Bobcatsi nagusitu zitzaion 106-73. Kobe Bryantek 23 puntu sartu zituen. Charlottek, aldiz, bederatzigarren partida galdu zuen jarraian.