Team Sky taldearen webgunean eman du bere sentipenen berri Mikel Landa txirrindulari arabarrak. Atzo, tropelari segitu ezinda Italiako Giroa uztea "desilusio handia" izan da berarentzat. Izan ere, BERRIAri emandako elkarrizketan azaldu zuenez, "irabaztera" joan zen, zaila izango zela jakin arren; eta igandeko erlojupekoan izandako emaitzaren ostean, itxaropentsu zegoen. Gastronteritisak, baina, hankak gelditu dizkio.
Orain, "lehenbailehen osatu" nahi du arabarrak, "helburu berriekin itzultzeko". Herenegun gauean gaizki sentitzen zen jada, baina atzo goizean, hobeto sentitzen zenez, etapari ekitea erabaki zuen: "Berehala ohartu nintzen ez nengoela osatuta, eta ez nintzela jarraitzeko gai izango".
Gertatuak gertatu, eskerrak eman dizkio taldeari beregan jarri duen konfiantzagatik; "animo mezuak bidali dizkidatenei ere, eskerrikasko".
