Txirrindulariak eta taldeak bigarren analisia egiteko eskatu dute eta azterketa horren emaitzak erakutsiko du datu hori egia den ala ez. Azterketak baiezkoa ematen badu taldetik botako dute Landis. Horrekin batera, aurtengo Tourreko garaipena kenduko diote eta bi urteko zigorra bete beharko du. Datozen lau urteetan ezin izango du UCI Nazioarteko Txirrindularitza Elkargoko talde batean korritu.
Morzinen amaitu zen etapan eman du positiboa Landisek. Txirrindulariak erakustaldi ikaragarria eginez irabazi zuen etapa hura, eta, beraz, derrigorrez pasatu behar izan zuen dopinaren aurkako kontrola.
FRANTZIAKO TOURRA
Landisek positiboa eman duela baieztatu du Phonak taldeak
Floyd Landis aurtengo Frantziako Tourreko irabazleak baimendutako testosterona maila baino portzentaia altuagoa eman duela jakinarazi du Phonak taldeak, txirrindulariaren beraren taldeak. Bigarren azterketa batean positiboa baieztatzen bada, Pereiro galiziarra izango litzateke aurtengo Tourraren garailea.
Iruzkinak
Ez dago iruzkinik
Ordenatu
