LASAITASUNEZ, ILUSIOZ

Aukerak baliatu egin behar omen dira, eta horixe egiteko asmoa dauka Pello Bilbaok. Orbearekin zeukan kontratua gernikarrak, baina Koldo Fernandez de Larrearen lesioa aintzat hartuta, txirrindularia lehen taldera igotzea erabaki du Euskaltel-Euskadik. 21 urte dauzka, eta bi urterako kontratua sinatu zuen atzo, beste bi urte luzatzeko aukerarekin. Igor Gonzalez de Galdeano managerrak argi utzi zuen atzo etorkizunerako apustua dela.