Lehen borrokaldian etxera bidean geratu da Sugoi Uriarte judoka gasteiztarra, Nicat Xikaliza judoka azerbaijandarrak hura kanporatu eta gero. Uriarte dominen atarian geratu zen duela lau urte, Londresko Olinpiar Jokoetan, eta arantza hori atera nahi zuen oraingoan.
Ordea, ez du zortea alde izan. Min hartu zuen duela bi aste, eta harrezkero entrenatu ezinik ibili da. Galdu arren, harro azaldu da sare sozialetan: "Amaitu dira jokoak; ez nik nahi nuen bezala, baina tatamian %100a emateagatik harro. Eskerrik asko nire talde osoari".
