Lehen postua ziurtatzen hasteko aukera ona dauka gaur Athleticek

Gaur Rayo Vallecanori irabaziz gero, kontuz Athleticekin. Superligako bigarren faseko seigarren jardunaldiko partidak ari dira jokatzen asteburu honetan, eta bigarren sailkatua lau puntura uzteko aukera dauka Athleticek. Joan den asteburuan 0-1 irabazi zioten zuri-gorriek Realari, eta gaur etxean Rayo Vallecanori irabazita, pauso garrantzitsua emango lukete lehen bi postuetako bat ziurtatzeko. Joan-etorriko ligaxka amaituta, lehen bi postuetan dauden taldeek jokatuko dute bi partidako finala. Hori bai, orain bi aste madrildarrek Prainsa Zaragozaren aurka 3-1 galdu zuten, baina joan den asteburuan 6-2 egurtu zuten Espanyol indartsua.

Realak, berriz, Atletico Madrilen zelaian jokatuko du (12:30). Madrildarrak bosgarren daude, zazpi punturekin, eta Reala seigarren dago, bost punturekin. Azken bi partidak galduta daude donostiarrak, Espanyol (7-0) eta Athleticen aurka (0-1), eta Sant Gabriel azken sailkatuari 0-2 irabazi zioten aurrekoan madrildarrek. Era berean, mailari eusteko borrokan, Eibar-Torrejon (12:30) eta L'Estartit-Lagunak (12:15) partidak jokatuko dira gaur.