Lesakar bat hilda aurkitu dute Anayet mendian

Lesakako gizonezko bat hilda topatu du gaur goizean Guardia Zibilak Anayet mendian, Aragoin, Canfranc herrira egiten duen aldean.

Desagertuta zegoen atzotik, Anayetera joan zenetik, eta haren neska-lagunak eman zuen abisua atzo azkeneko orduan. Guardia Zibila bila joan zen baina gaueko hamaiketan utzi egin zituen bilaketa lanak, argi faltagatik eta eguraldi txarragatik. Gaur ekin diote lanari eta 7:20an aurkitu dute, hilda.

29 urte zituen U.E.E. lesakarrak. Jacara eraman dute gorpua.