Bartzelonaren aurkako Espainiako Kopako finala prestatzeko azken bi lan saioak egingo ditu Athleticek Lezaman, eta ondoren, Madrilerantz abiatuko da, bihar. Gaurko eta biharko 10:00etan iragarri dituzte lan saioak.
19:00ak aldera irtengo dira hegazkinez bihar, eta Sheraton Madrid Mirasierra hotelean hartuko dute ostatu. Etzi, berriz, lan saio ofiziala egingo dute Vicente Calderon futbol zelaian, 20:00etan —finala estadio horretan jokatuko dute—.
Partida ostiralean izango da, 22:00etan.
