Gaizki hasi zen partida zuri-gorrientzat, hasi eta berehala sartu baitzuen gola Melani Bartzelonako jokalariak. San Mames bete egin zen partida ikustera joandako 30.000 lagunekin, eta Eli Ibarrak 45. minutuan berdintzea lortu zuenean ozen entzun zen ospakizuna, San Mamesen egun handienetan bezala.
Festarako bidea preset zegoen, baina 71. minutuan Kentik Bartzelonaren bigarren gola sartu zuen, emakume batek San Mamesen sartu duen azkena (lehenengoa Nerea Onaindiak sartu zuen), eta partidaren amaieran Athleticeko jokalariek lurrean amaitu zuten, lur jota.
