Lizasok nagusitasunez irabazi zuen txapela

SEGA. Juanjoxe Lizasok bigarrenez irabazi zuen Euskadiko Txapelketa, herenegun, Oiartzunen. Asteasukoak nagusitasunez irabazi zuen 5.451 kilo belar moztuta, Jon Kanflanka bigarren sailkatuak baino 306 kilo gehiago. Hirugarren Mikel Alkorta izan zen, eta laugarren, Arkaitz Arteaga. 50 urterekin, Lizasok bere azken txapelketa dela esan zuen bukaeran.