Loeb seigarrenez garaile, Kataluniako Rallyan

RALLYAK. Sebastien Loebek (Citroen) erakustaldiak ematen jarraitzen du Munduko txapelketan. Munduko txapeldun da dagoeneko frantziarra, baina herenegun nahiko eroso irabazi zuen Kataluniako Rallya, seigarren urtez jarraian. Petter Solberg (auto pribatua) sailkatu zen bigarren, 35 segundora, eta Dani Sordo (Citroen) hirugarren, 41 segundora. Sailkapen nagusian, Sebastien Ogier (Citroen) dago bigarren, eta Jari Matti Latvala (Ford) hirugarren.