Luisfek ezingo du jokatu hurrengo hamar egunetan

ESKUBALOIA. Eskuin izterreko giharrean zuntz haustura dauka Luis Felipe Jimenez Luisfe Amaya Sport San Antonioko eskuin alboko jokalariak. Hurrengo hamar egunetan ezingo duela jokatu esan nahi du horrek. Joan den astean hartu zuen min Luisfek, Granollersen aurkako ligako partidan, eta asteazkenean ezin izan zuen jokatu Bartzelonaren aurka. Jokalariek osasun azterketak egin zituzten atzo.