Igor Gonzalez Galdeano Euskaltel-Euskadiko Migel Madariaga managerraren laguntzailea izan daiteke heldu den urtean. Informazio hori zabaldu zuen atzo Gipuzkoako El Diario Vasco kazetak, baina ez txirrindulari ohiak (Vuelta bukatu ondoren hartu zuen erretiroa), ezta managerrak ere, ez dute berria baieztatu. Galdeano anaia gazteena txirrindularien plangintzaz arduratuko litzateke.
Berriaren arabera, Gasteizen elkartu ziren herenegun bi aldeak, eta akordioa heldu den astean ados dezakete. Liberty taldearen eskaintza bat ere bazuen Igor Galdeanok, baina eskaintza hori onartuz gero, Soin Heziketako ikasketak bigarren maila batean utzi beharko lituzke arabarrak. Erretiroa hartzea erabaki zuenean ere esana zuen ikasketak bukatu nahi zituela, eta antza, Euskaltel-Euskadiko laguntzaile jardunak aukera hori emango lioke.
TXIRRINDULARITZA
Madariagaren laguntzailea izan daiteke Igor Gonzalez Galdeano Euskaltel-Euskadin
Iruzkinak
Ez dago iruzkinik
Ordenatu
