Madrilgo Udala kexu da maiatzaren 25ean, Espainiako Kopako finalaren egunean, ustez Athleticeko jarraitzaileek han sortutako zikinkeria pilagatik eta eragindako txikizioengatik, eta prest dago Bilboko klubari garbitasun eta konpontze lanengatik ehun mila euroko faktura igortzeko. Oraingoz, espedientea zabaldu du.
Udalaren arabera, milaka tona zabor eta beira geratu ziren Madrilen Athletic Hirian eta inguruetan. Udalak dio bi finalista Bartzelona eta Athletic zirela garbitasun lanak-eta egitekoak, baina Bilbokoak ez zuela halakorik egin. Klubek aurrez abal gisa ehuna mila euro jarri zituzten.
Vicente Calderon estadiotik oinez 20-25 minutura egon zen Athleticen zaleen gunea, Puente del Rey zabalgunetik gertu.
