Susto ederra hartuta, baina finalerdietan da jada Maialen Chourraut piraguista lasartearra. Lehen txandan ate batetik ez da igaro, eta 54 segundoko zigorrak sailkapenaren atzealdera eraman du.
Hobeto aritu da bigarren txandan, eta 102 segundo behar izan ditu jaitsiera egiteko. Lau segundoko zigorra jasota, 106 segundo behar izan ditu guztira. Chourrautek berak sare sozialetan zabaldutako mezuak erakusten du bizitako tentsioa:
Uuuffff...!!! Vaya escapada! Pero dentro ;)
— Maialen Chourraut (@MChourraut) 2016(e)ko abuztuak 8
Nadie dijo que el camino sería sencillo. Txanpa!!
Denbora hori hartuta, 11. postuan sailkatu da Chourraut. Ostegunean jokatuko du finalerdia (18:27), eta hura gaindituz gero, egun berean finala (20:00etatik aurrera). 2012ko jokoetan brontzezko domina lortu zuen, eta lasartearra da euskal kirolarien artean domina lortzeko aukera dutenetako bat.
Chourrauten keinua helmuga pasatzean, adierazgarria. @berria#berriarionpic.twitter.com/hPfGU2ecH1
— IMANOL MAGRO (@Imagreto) 2016(e)ko abuztuak 8
