Gaur goizean aurkeztu du Tau Baskoniak Bozidar Maljkovic serbiarra lehen entrenatzaile bezala, Velimir Perasovicen partez, honek bularreko angina izan duela-eta. 2008ko ekainaren 30era arteko kontratua sinatu du Maljkovicek.
"Lorpen handiko kluba da Tau, antolaketa bikaina dauka, presidente handia du eta, beraz, Tauk eta ni bezalako entrenatzaile batek [lau aldiz irabazi du Euroliga], topo egin beharra genuen inoiz", esan du entrenatzaile berriak. Haren ustez, Tauk eta Arabak "saskibaloiaren kultura handia" dute eta klubak orain arte baino "poztasun handiagoak" lortu beharko lituzke.
Igande eguerdian egingo du debuta, Badalonan, Joventuten kontra ACB Ligako partidan (12:30).
Natxo Lezkanok hartu du azkeneko asteetan Perasovicen lekua lehen entrenatzailearen karguan eta gaurtik berriro bigarren teknikaria izango da. "Seguru nago Lezkanok noizbait entrenatuko duela Tau, baina orain lehengo kargura itzuliko da, esperientzia hartzeko", esan du Josean Kerejeta presidenteak. Gaurko agerraldian hantxe izan da Lezkano.
Saskibaloia
Maljkovic: "Tauk eta biok topo egin beharra genuen inoiz"
Iruzkinak
Ez dago iruzkinik
Ordenatu
