Gasteizko TAU saskibaloi taldea akordio batera iritsi da orain artean taldeko entrenaitzaile zen Bozidar Maljkovicekin, haren kontratua eteteko. Martxoan iritsi zen entrenatzaile serbiarra Gasteizera, eta denboraldia amaitu arteko eta hurrengo urterako kontratua sinatu zuen saskibaloi taldearekin. Horregatik, taldeak harekin hitzartu behar izan du geratzen zitzaion urteko kontratuaren etetea. Ohar labur batean, eginiko lana eskertu dio TAUk Maljkovici, eta zortea opa dio etorkizunari begira.
Velimir Perasovicen lekukoa hartu zuen Natxo Lezkano ordezkatzeko iritsi zen Maljkovic Gasteizera. Harekin hainbat titulu lortzea zuen helburu TAUk, baina finalaurrekoetan geratu zen bai Euroligan, bai ACBn. Oktay Mahmuti turkiarra da orain Maljkovic ordezkatzeko hautagai nagusia.
saskibaloia
Maljkovicek ez du TAU entrenatuko datorren denboraldian
TAUk eta Bozidar Maljkovicek elkarrekin zuten kontratua eten egin dute, saskibaloi taldeak gaur jakinarazi duenez. Hala, entrenatzaile serbiarrak ez du taldean jarraituko datorren urtean.
Iruzkinak
Ez dago iruzkinik
Ordenatu
