Pozik agertu zen Marcelo Bielsa Athleticeko entrenatzailea partidaren ostean San Mameseko prentsa aretoan. Bere hitz egiteko ohiko modu lasaiean aitortu zuen egun zoriontsua izan zela atzokoa, eta esan zuen partida amaitutakoan jokalariengatik poztu zela batik bat: "Lan handia egin dute eta konpromiso handia erakutsi dute hau merezi izateko".
Partidaren gakoa norbanakoen mailan egon zela esan zuen, eta maila hori "altua eta paretsua" izan zela azaldu. "Heldutasuna eta ofizioa erakutsi dute jokalari gazte hauek".
Gainera, zaleengatik ere asko poztu zela esan zuen, horiek ere parte hartu dutela adierazi zuen Bielsak, eta beste egun zoriontsu batzuk egon diren arren, atzokoa zoriontsuagoa dela gaineratu zuen.
