Urrezko hiru puntu eskuratu ditu Athleticek Elxen zelaian. Gaizki hasi du partida talde zuri-gorriak, eta Jonathasek aurretik jarri du Elx 32. minutuan. Lehen zatiaren amaieran, Jonathasek berak aldea zabaldu du.
Erabakita zirudien partidak, baina bestela zelairatu da bigarren zatian Athletic. Aukerak izan arren, 80. minutuan egin du Athleticek lehen gola, Aketxeren bidez. 87. minutuan, gol ederra egin du Mikel San Josek, eta luzapenean lortu du Iñaki Williamsek garaipenaren gola.
Athleticek garaipena eta Malagak porrota eskuratuta, bilbotarrak dira orain Europa Liga jokatzeko aukera ematen duen zazpigarren postuan. Azken jardunaldian Vila-Realekin jokatuko du Athleticek San Mamesen, eta nahikoa izango du Malagaren eta Espanyolen emaitza berdina lortzearekin.
